Y Pwyllgor Cymunedau, Cydraddoldeb a Llywodraeth Leol Communities, Equality and Local Government Committee

Jeff Cuthbert AC Y Gweinidog Cymunedau a Threchu Tlodi

Bae Caerdydd  Caerdydd CF99 1NA 26 Mehefin 2014

Annwyl Weinidog

Sesiwn graffu yn ystod y flwyddyn - cais am ragor o wybodaeth yn dilyn y cyfarfod ar 19 Mehefin

Diolch am ddod i'n cyfarfod ar 19 Mehefin 2014 i roi tystiolaeth fel rhan o'n rhaglen craffu ar waith y Gweinidog yn ystod y flwyddyn. Yn ystod y sesiwn, gwnaethoch gytuno i ysgrifennu at y Pwyllgor gyda'r wybodaeth a ganlyn:

· manylion am y canllawiau a roddwyd i awdurdodau lleol fel rhan o'u gwaith craffu ar y sawl sy'n derbyn grantiau Cymunedau'n Gyntaf;

· manylion am unrhyw gynnydd yn ffigurau aelodaeth yr Undeb Credyd ar ôl ymgyrch farchnata Llywodraeth Cymru.

Yn ogystal â'r uchod, byddai'r Pwyllgor yn ddiolchgar o gael rhagor o wybodaeth am y canlynol:

· manylion am argaeledd tebygol dangosyddion perfformiad ar gyfer Cymunedau'n Gyntaf;

· manylion am y trefniadau ar gyfer monitro'r tanwariant a gofnodwyd ar gyfer y Gronfa Cymorth Dewisol;

· adroddiad cynnydd ar ddatblygiadau mewn perthynas â'r Credyd Cynhwysol;

· gwybodaeth am dargedau aelodaeth yr Undeb Credyd.

Edrychaf ymlaen at glywed gennych yn fuan.

Yn gywir

Christine Chapman AC

Cadeirydd